[ad_1]
وفاقی وزیر خزانہ محمد اورنگزیب نے کہا ہے کہ معاشی استحکام کے لیے گزشتہ ڈھائی سال میں اہم اور ٹھوس اقدامات کیے گئے ہیں۔ پاکستان انٹرنیشنل میری ٹائم ایکسپو اینڈ کانفرنس 2025 سے ورچوئل خطاب کرتے ہوئے وزیر خزانہ نے کہا کہ پاکستانی معیشت درست سمت میں گامزن ہے اور اس کی ترقی کے لیے دوست ممالک کے تعاون کو بروئے کار لایا جا رہا ہے۔
محمد اورنگزیب نے کہا کہ بلیو اکانومی پاکستانی معیشت کے لیے ایک گیم چینجر ثابت ہوگی اور ملک میں تجارتی و صنعتی ترقی میں نئے مواقع فراہم کرے گی۔
انہوں نے بتایا کہ تین عالمی ریٹنگ ایجنسیوں نے پاکستان کے معاشی اقدامات کو سراہا ہے، جبکہ افراطِ زر اور پالیسی ریٹ میں خاطر خواہ کمی دیکھی گئی ہے۔
وزیر خزانہ نے مزید کہا کہ کراچی، گوادر اور پورٹ قاسم کی بندرگاہوں کو جدید بنانے کے لیے جامع منصوبہ بندی اور اقدامات جاری ہیں، تاکہ ملک کی تجارتی صلاحیت اور عالمی رسائی میں اضافہ کیا جا سکے۔
[ad_2]
Leave a Reply