وہاب ریاض اور عبدالرزاق ’سلیکٹر کے عہدے سے برطرفوہاب ریاض اور عبدالرزاق ’سلیکٹر کے عہدے سے برطرف

کرکٹ کوریج ویب سائٹ کرک انفو نے دعویٰ کیا ہے کہ پاکستان کرکٹ بورڈ (پی سی بی) نے وہاب ریاض اور عبدالرزاق کو عہدے سے ہٹا دیا ہے۔
گزشتہ ماہ امریکا اور ویسٹ انڈیز میں کھیلے گئے آئی سی سی ٹی 20 ورلڈ کپ میں پاکستانی ٹیم کے گروپ مرحلے سے باہر ہونے کے بعد پی سی بی میں یہ پہلی تبدیلی ہے جس میں وہاب ریاض اور عبدالرزاق کو سلیکٹرز کے عہدے سے ہٹا دیا گیا تھا۔ چلا گیا ہے
وہاب ریاض کو اس سے قبل چیف سلیکٹر کے عہدے سے ہٹا کر سات رکنی سلیکشن کمیٹی کا رکن بنایا گیا تھا۔
مزید پڑھ

WhatsApp Group Join Now
Telegram Group Join Now
Instagram Group Join Now
وہاب ریاض اور عبدالرزاق ’سلیکٹر کے عہدے سے برطرف
 وہاب ریاض اور عبدالرزاق ’سلیکٹر کے عہدے سے برطرف  (فوٹو: اے ایف پی)

محمد حفیظ پاکستان کرکٹ ٹیم کے ہیڈ کوچ اور وہاب ریاض چیف سلیکٹر مقرر
اس سات رکنی سلیکشن کمیٹی کا کوئی سربراہ نہیں تھا۔
دوسری جانب عبدالرزاق پاکستان ویمن کرکٹ ٹیم کی سلیکشن کمیٹی کے رکن کے طور پر بھی کام کر رہے تھے۔
پاکستان کرکٹ بورڈ کے چیئرمین محسن نقوی نے جون میں نیو یارک میں بھارت کے ہاتھوں ٹی ٹوئنٹی ورلڈ کپ میں شکست کے بعد ٹیم میں ‘بڑی سرجری’ کا اشارہ دیا تھا۔
کرک انفو کا مزید دعویٰ ہے کہ سلیکشن کمیٹی کو تحلیل کر کے ایک بار پھر چیف سلیکٹر کا تقرر کیا جا سکتا ہے۔
وہاب ریاض چیئرمین پی سی بی محسن نقوی کے قریبی ساتھی سمجھے جاتے ہیں جس کے بعد ان کی اس عہدے سے برطرفی ایک بڑی خبر ہے۔
وہاب ریاض پنجاب میں محسن نقوی کی نگراں کابینہ میں وزیر کھیل بھی رہ چکے ہیں جب کہ وہ ٹی ٹوئنٹی ورلڈ کپ 2024 میں بطور سینئر ٹیم منیجر بھی ٹیم کے ساتھ رہے۔
سلیکشن کمیٹی سے ہٹائے جانے کے بعد وہاب ریاض سینئر ٹیم منیجر کا عہدہ بھی کھو سکتے ہیں۔
واضح رہے کہ پی سی بی نے یہ سات رکنی سلیکشن کمیٹی چار ماہ قبل قائم کی تھی جس میں وہاب ریاض، عبدالرزاق، محمد یوسف، اسد شفیق، ٹیم کے ہیڈ کوچ، کپتان اور ڈیٹا اینالسٹ بلال افضل شامل تھے۔
واضح رہے کہ پی سی بی میں گزشتہ 4 سالوں میں 6 چیف سلیکٹرز کام کر چکے ہیں جن میں وہاب ریاض، ہارون رشید، شاہد آفریدی، انضمام الحق، محمد وسیم اور مصباح الحق شامل ہیں۔

مزید پڑھیں

ہم نے شادی سے قبل ہی یہ فیصلہ کر لیا تھا کہ بچے اسلام کے پیروکار بنیں گے

بجلی صارفین کو 3 ماہ کے لیے رعایت دینے کا اعلان کیا ہے

Leave a Reply

Your email address will not be published. Required fields are marked *