[ad_1]
ضلعی انتظامیہ ننکانہ صاحب نے بیساکھی میلہ کے سلسلے میں ضلع بھر کے تعلیمی ادارے پانچ دن کے لیے بند رکھنے کا اعلان کیا ہے۔
جاری کردہ نوٹیفکیشن کے مطابق، یہ تعطیلات 12 اپریل سے 16 اپریل تک ہوں گی تاکہ میلے کے دوران مقامی ٹریفک اور سکیورٹی کو موثر انداز میں منظم کیا جا سکے۔ ضلعی انتظامیہ کے مطابق بھارت سے تقریباً سات ہزار سکھ یاتریوں کی آمد متوقع ہے، جبکہ دنیا بھر سے سکھ برادری کی بڑی تعداد بیساکھی میلے میں شرکت کے لیے ننکانہ صاحب پہنچ رہی ہے۔
مرکزی تقریب 14 اپریل کو منعقد ہو گی۔ سیکیورٹی کے سخت انتظامات کیے گئے ہیں، جن میں 2000 پولیس اہلکاروں کو ڈیوٹی پر تعینات کیا گیا ہے، جبکہ پنجاب کانسٹیبلری سمیت دیگر اضلاع سے اضافی نفری بھی طلب کی گئی ہے۔
