واشنگٹن: امریکی محکمہ خارجہ کے ترجمان میتھیو ملر نے کہا ہے کہ جوہری پھیلاؤ کے خطرات کے لیے مؤثر پالیسی کو لاگو کرنے کے لیے پرعزم ہیں۔
ترجمان امریکی محکمہ خارجہ میتھیو ملر نے نیوز کانفرنس کرتے ہوئے کہا کہ کینیڈا کی جانب سے بھارت پر سنگین الزامات عائد کیے گئے ہیں۔ ہم چاہتے ہیں بھارت الزامات کو سنجیدہ لے اور کینیڈا کے ساتھ تعاون کرے۔
انہوں نے کہا کہ بھارت کو وہ ہی پیغام دیا جو ہم کچھ عرصہ قبل واضح کرچکے ہیں۔ جبکہ امریکی شہر کے قتل کی سازش کو ناقابل یقین حد تک سنجیدہ لیتے ہیں۔ دیکھنا چاپتے ہیں اس معاملہ کی مکمل تفتیش کی گئی ہے کہ نہیں۔
یہ بھی پڑھیں: امریکی وزیر خارجہ اور وزیر دفاع کا اسرائیلی ہم منصبوں کو دھمکی آمیز خط
پاکستان میں شنگھائی تعاون تنظیم کے اجلاس سے متعلق بات کرتے ہوئے انہوں نے کہا کہ امریکہ ہر ملک کے خودمختار گروپ میں شریک ہونے کا احترام کرتا ہے۔ اور حوصلہ افزائی کریں گے کہ کثیر الجہتی فورم میں شرکت اور عالمی قانون کی پاسداری ہو۔
میتھیو ملر نے کہا کہ چاہتے ہیں اجلاس میں ملکوں کی خودمختاری اور علاقائی سالمیت کا احترام کیا جائے۔ بھارتی جوہری مواد کی اسمگلنگ سے متعلق پاکستان کی سلامتی کونسل میں درخواست سے آگاہ ہیں اور ہم جوہری پھیلاؤ کے خطرات کے لیے مؤثر پالیسی کو لاگو کرنے کے لیے پرعزم ہیں۔
