حکومت نے مزید 9 ادارے تحلیل کرنے کا فیصلہ کرلیا ، جس سے ملازمین میں تشویش کی لہر دوڑ گئی۔
حکومت نے وزارت صحت کے مزید 9 ادارے تحلیل کرنے کا فیصلہ کرلیا، ذرائع نے بتایا کہ نیشنل ہومیوپیتھی کونسل،قومی طب کونسل تحلیل کی جائے گی۔
ذرائع کا کہنا تھا کہ قومی کونسل برائے روایتی اور متبادل ادویات کے قیام کا فیصلہ کیا ہے جبکہ این ایچ سی، این ٹی سی قومی کونسل روایتی اور متبادل ادویات میں ضم ہوں گی۔
ذرائع نے بتایا کہ الائیڈ ہیلتھ پروفیشنل کونسل کو پی این ایم سی میں ضم کیا جائے گا جبکہ نیشنل انسٹیٹیوٹ فارپاپولیشن ویلفیئر، ریجنل ٹریننگ انسٹیٹیوٹ فار پاپولیشن اسٹڈیز اور نیشنل ریسرچ انسٹیٹیوٹ آف فرٹیلیٹی کنٹرول کو تحلیل کرنے کا فیصلہ کیا گیا ہے۔
ذرائع نے مزید کہا کہ آر ٹی آئی، این آئی پی ایس اور این آر آئی ایف سی کو ضم کیا جائے گا اور بہبود آبادی پر تحقیق سے متعلق ایک مرکزی ادارہ قائم کیا جائے گا، ڈی جی پاپولیشن سربراہ این آر آئی ایف سی ہوں گے۔
ذرائع کا کہنا تھا کہ انسداد ملیریا ڈائریکٹوریٹ کو اسلام آباد انتظامیہ کے ماتحت کیا جائے گا جبکہ نیشنل ایمرجنسی ہیلتھ سروسز کو قومی ادارہ صحت میں ضم کیا جائے گا، اس طرح 9 اداروں کے تحلیل و انضمام سے عملے میں 80 فیصد کمی آئے گی۔
