26 ویں آئینی ترمیم کے نفاذ کے بعد چیف جسٹس کی تقرری کے لیے تشکیل دی جانے والی خصوصی پارلیمانی کمیٹی کا پہلا اجلاس آج طلب کر لیا گیا ہے۔
کمیٹی نئے چیف جسٹس کے لیے ایک کا نام فائنل کرکے وزیراعظم کو بھیجے گی ، چیف جسٹس کو آج رات 12 بجے تک تین نام کمیٹی کو بھیجنا ہیں ، آئینی ترمیم کے تحت نئے چیف جسٹس کی تقرری موجودہ چیف جسٹس کی ریٹائرمنٹ سے تین دن قبل ہو گی۔
پارلیمنٹ کی خصوصی کمیٹی نے آئینی ترمیم مسودہ کی منظوری دے دی
واضح رہے خصوصی پارلیمانی کمیٹی میں مسلم لیگ (ن) کے خواجہ آصف، احسن اقبال، شائستہ پرویز ملک اور اعظم نذیرتارڑ جبکہ پیپلز پارٹی کی طرف سے پرویز اشرف، نوید قمر اور فاروق نائیک شامل ہیں۔
اس کے علاوہ ایم کیوایم کے رعنا انصار اور جے یو آئی (ف) سے کامران مرتضی جبکہ تحریک انصاف کی جانب سے بیرسٹر گوہر ، صاحبزادہ حامد رضا اور سینیٹرعلی ظفر خصوصی کمیٹی کا حصہ ہیں۔
