اگر آپ دل کی بیماریوں سے بچنا چاہتے ہیں تو روزمرہ زندگی میں ایسے کھانوں کو شامل کریں جو دل کی شریانوں کو بند ہونے سے بچائیں ساتھ ہی دل کو تقویت بھی فراہم کریں۔
قدرت نے ایسے بہت سے پھل اور سبزیوں میں یہ راز چھپا رکھا ہے جس کے استعمال سے آپ اپنے دل کو جوان رکھ سکتے ہیں۔
چنا
چنا دیکھنے میں چھوٹے ہوتے ہیں لیکن افادیت سے بھرپور ہوتے ہیں کیونکہ ان میں فائبر، پوٹاشیم، وٹامنز بھرپور مقدار میں موجود ہوتا ہے۔ چنے جسم میں کولیسٹرول کی سطح کو کم کرتا ہے جس سے انسان میں دل کی بیماریوں کا خطر کم ہوجاتا ہے۔
انجیر
ویسے تو انجیر دنیا بھر میں کھائی جاتی ہے لیکن مسلمان ممالک میں انجیر کا استعمال زیادہ ہوتا ہے ۔ انجیر ذائقے میں میٹھا، کیلشیم اور فائبر سے بھرپور ہوتا ہے جو دل کو طاقت پہنچانے کا ذریعہ ہے۔
السی کے بیج
اگر آپ کو مچھلی یا خشک میوہ جات کھانا نہیں پسند لیکن جسم میں اومیگا تھری فیٹی ایسڈ کی بھی ضرورت ہے تو آپ السی کے بیچ کا استعمال کر سکتے ہیں۔ السی میں صرف اومیگا تھری ہی نہیں بلکہ اینٹی آکسیڈینٹ، ایسٹروجن سمیت دیگر غذائی اجزا بھی پائے جاتے ہیں جو دل کو صحت مند رکھتے ہیں۔
چکوترا
چکوترا صرف ذیابیطس کو کم کرنے میں ہی نہیں مدد دیتا بلکہ اس میں موجود فائبر اور پوٹاشیم دل کو بیماریوں سے بچاتے ہیں اس لیے چکوترے کا انتخاب بہترین ہے۔
لوبیا
لوبیا کی شکل گردے جیسی ہوتی ہے، لوبیا میں فیٹس کی مقدار بہت کم پائی جاتی ہے لیکن لوبیا فائبر سے بھرپور ہوتا ہے۔ لوبیا کا استعمال دل کی بیماریوں سمیت کینسر سے بھی محفوظ رکھنے میں مددگار ہے۔
