سعودی عرب میں 22 ہزار غیر قانونی تارکین وطن کو گرفتار کر لیا گیا۔
سعودی وزارتِ داخلہ کے مطابق 13186 افراد اقامہ قوانین ، 5427 افراد سرحدی قوانین کی خلاف ورزی اور 3358 تارکین لیبر قوانین کی خلاف ورزی میں ملوث تھے۔
سعودی عرب ، ریاستی سلامتی کا سابق افسر 3 کروڑ ریال کی رشوت لیتے رنگے ہاتھوں گرفتار
سعودی وزارتِ داخلہ نے بتایا کہ غیرقانونی طور پر مملکت میں داخل ہونے کی کوشش پر 1421 افراد ، غیر قانونی طور پر ملک سے باہر جانے کی کوشش میں 53 جبکہ غیرقانونی تارکین کو سہولت فراہم کرنے پر 18 افراد کی گرفتاری عمل میں لائی گئی۔
سعودی وزارتِ داخلہ کا کہنا ہے کہ غیر قانونی تارکین کو کسی بھی قسم کی سہولت فراہم کرنا سنگین جرم ہے۔
