7

عمران خان سے پارٹی رہنماؤں کی ملاقات کی اندرونی کہانی سامنے آگئی

بانی چیئرمین پاکستان تحریک انصاف (پی ٹی آئی) عمران خان سے پارٹی رہنماؤں کی اڈیالہ جیل راولپنڈی میں ہونے والی ملاقات کی اندرونی کہانی سامنے آگئی۔

ذرائع کے مطابق پی ٹی آئی کا وفد آئینی ترامیم پر بانی پی ٹی آئی سے مشاورت کےلیے اڈیالہ جیل گیا تھا، عمران خان نے ملاقات کےلیے آئے پارٹی رہنماؤں کی سرزنش کی۔

ذرائع کے مطابق بانی پی ٹی آئی نے ملاقات کےلیے آئے پی ٹی آئی رہنماؤں کی سرزنش کی اور انہیں کھری کھری سنادی۔

ذرائع کے مطابق بانی پی ٹی آئی نے پارٹی رہنماؤں سے کہا کہ آپ لوگوں کا مجھے کوئی فائدہ نہیں، جیل سے نکلنے کےلیے جو پلان میں نے دیا تھا اس پر کسی نے عمل نہیں کیا۔

ذرائع کے مطابق عمران خان نے مزید کہا کہ میں نے احتجاج جاری رکھنے کا کہا تھا، آپ کے تمام احتجاج فلاپ ہوئے، آپ سے کہا تھا ایس سی او پر احتجاج کرنا ہے لیکن کسی نے عمل نہیں کیا۔

ذرائع کے مطابق بانی چیئرمین نے یہ بھی کہا کہ میرے دیے گئے منصوبے پر عمل کریں گے تو ہی باہر آسکوں گا۔

ذرائع کے مطابق بانی چیئرمین پی ٹی آئی سے پارٹی رہنماؤں کی اڈیالہ جیل میں ہونے والی ملاقات ادھوری رہی۔


install suchtv android app on google app store

اس خبر پر اپنی رائے کا اظہار کریں

اپنا تبصرہ بھیجیں