ٹی ٹوئنٹی اور ون ڈے انٹرنیشنل کیلئے قومی کرکٹ ٹیم کے کپتان کا اعلان مزید تاخیر کا شکار ہو گیا۔
پاکستان کرکٹ بورڈ کی جانب سے وائٹ بال کپتان کا اعلان نہ ہونے کی وجہ سے دورہ آسٹریلیا کے لیے اسکواڈ کا بھی اعلان نہیں ہوا۔
واضح رہے کہ یہ اطلاعات سامنے آئی ہیں کہ چیئرمین پی سی بی محسن نقوی نے وکٹ کیپر بیٹر محمد رضوان کو وائٹ بال فارمیٹ کا کپتان بنانے کا فیصلہ کر لیا ہے۔
قومی کرکٹ ٹیم کی سلیکشن میں کپتان اور ہیڈ کوچ کا اختیار ختم کر دیا گیا
تاہم اب ذرائع کا کہنا ہے کہ چیئرمین پی سی بی اسکواڈ اور کپتان کا اعلان آج پریس کانفرنس میں کریں گے۔
ذرائع کا کہنا ہے کہ محمدرضوان کو کپتان مقرر کرنے کی تجویز ہیڈکوچ گیری کرسٹن نے دی اور سلیکٹرز نے بھی محمد رضوان کو وائٹ بال کا کپتان مقرر کرنے کی حمایت کی۔
