ایل پی جی کی قیمت میں خود ساختہ اضافہ کر دیا گیا، شہریوں سے من مانے ریٹ وصول کئے جانے لگے۔
اوگرا کی جانب سے مقرر کی گئی قیمتوں کو بالائے طاق رکھتے ہوئے لاہور میں ا یل پی جی 280 سے 300 روپے فی کلو تک فروخت ہونے لگی ہے۔
ملک میں پیٹرول و ڈیزل کی قیمتوں میں کمی کا امکان
نجی ٹی وی کے مطابق اوگرا کی جانب سے ا یل پی جی کی فی کلو قیمت 251 روپے 30 پیسے مقرر کی گئی ہے۔ لاہور میں اوگرا کے مقرر کردہ نرخوں پر ایل پی جی دستیاب ہی نہیں ہے۔
ڈسٹری بیوٹرز اور امپورٹرزشہریوں سے من پسند قیمت وصول کر رہے ہیں، شہریوں کے مہنگی ا یل پی جی ان کی جیبوں پر مزید بوجھ بن گئی ہے، گھریلو سلنڈر کی قیمت میں 400 روپے تک خود ساختہ اضافہ کیا گیا ہے۔