اسلام آباد: سپریم کورٹ کے مونال ریسٹورنٹ گرانے کے فیصلے کے باوجود اسٹے آرڈر دینے والے جج انعام اللہ کو اسلام آباد ہائی کورٹ نے معطل کردیا۔
چیف جسٹس اسلام آباد ہائی کورٹ عامر فاروق نے جج انعام اللہ کی معطلی کے احکامات جاری کیے۔ معطل ہونے والے جج انعام اللہ کو سینئر سول جج سے او ایس ڈی بنا دیا گیا۔
سینیئر سول جج انعام اللہ کو فوری طور پر ہائی کورٹ رپورٹ کرنے کا حکم دیا گیا ہے۔
یہ بھی پڑھیں: سیاسی آلودگی نظر نہیں آتی لیکن ملک کو تباہ و برباد کر دیتی ہے، مریم نواز
چیف جسٹس عامر فاروق نے سینئر سول جج کے خلاف انکوائری کا بھی حکم دے دیا۔ سینئر سول جج انعام اللہ کے انکوائری افسر سیشن جج کامران بشارت مفتی ہوں گے۔
عدالتی ذرائع کے مطابق چیف جسٹس عامر فاروق نے آج سینئر سول جج انعام اللہ کو ہائیکورٹ طلب کیا تھا۔
