ڈی آئی خان: ٹانک میں ڈسٹرکٹ اکاؤنٹس آفس پر مسلح افراد کے حملے میں ایک اہل کار جاں بحق اور دوسرا زخمی ہوگیا۔
پولیس کے مطابق ڈیرہ اسماعیل خان (ٹانک) میں مسلح افراد نے ڈسٹرکٹ اکاؤنٹس آفس پر اچانک حملہ کردیا۔ اس موقع پر پولیس نے بھی جوابی کارروائی کی، اور فائرنگ کے تبادلے میں ایک اہل کار جاں بحق دوسرا زخمی ہوگیا۔
واقعے کی اطلاع ملتے ہی پولیس کی بھاری نفری جائے وقع پر پہنچی، تاہم اس سے قبل موٹر سائیکل سوار حملہ آور کانسٹیبل کو ٹارگٹ کرنے کے بعد فرار ہو چکے تھے۔ پولیس نے ڈسٹرکٹ اکاؤنٹس آفس جنوبی وزیرستان میں پوزیشن سنبھال کر علاقے کی ناکا بندی کردی۔
جائے وقوع سے شواہد اکٹھے کرنے کے بعد واقعے سے متعلق تحقیقات شروع کردی گئی ہے۔
