جنوبی افریقہ کیخلاف سیریز میں قومی ٹیم میں اسٹار اوپنرز فخر زمان اور امام الحق کی واپسی کے امکانات روشن ہوگئے۔
نومبر میں آسٹریلیا اور زمبابوے کے خلاف وائٹ بال سیریز کے بعد قومی ٹیم جنوبی افریقہ کیخلاف ٹیسٹ، ون ڈے اور ٹی20 سیریز کیلئے تیاریاں شروع کرے گی۔
پاکستانی ٹیم کو جنوبی افریقہ کیخلاف 3 ٹیسٹ، 3 ون ڈے اور 2 ٹی20 انٹرنیشنل میچز کی سیریز کیلئے روانہ ہونا ہے، سیریز کے تینوں ٹیسٹ میچز آئی سی سی ورلڈ ٹیسٹ چیمپئین شپ کا حصہ ہوں گے۔
مزید پڑھیں: فخر زمان کی مشکلات جلد آسان ہونے کا امکان
رپورٹس میں دعویٰ کیا گیا ہے کہ پاکستان آئندہ سیریز کیلئے وائٹ بال اسکواڈ میں دو قابل ذکر تبدیلیوں پر غور کررہا ہے، جس میں امام الحق اور فخر زمان کی واپسی کا امکان ہے۔
فخر زمان کا اخراج ایک متنازع ٹویٹ سے ہوا تھا جس میں بابراعظم کو ڈراپ کرنے کے حوالے سے تنقید کی گئی تھی، بعدازاں انہیں سینٹرل کنٹریکٹ کا بھی حصہ نہیں بنایا گیا۔
مزید پڑھیں: فخرزمان کا دل ٹوٹ گیا، ریٹائرمنٹ پر بھی غور
فخر زمان کو اپنے تبصروں کی وجہ سے پاکستان کرکٹ بورڈ (پی سی بی) کی جانب سے شوکاز نوٹس موصول ہوا تھا، جس کے نتیجے میں آسٹریلیا کے خلاف جاری وائٹ بال سیریز کے لیے اسکواڈ سے باہر کردیا گیا۔
دوسری جانب امام الحق کا ٹریک ریکارڈ مضبوط ہے، انہوں نے 72 ون ڈے میچز 48.27 کی شاندار اوسط رہی، 50 اوورز فارمیٹ میں انہوں نے آخری میچ ورلڈکپ 2023 میں جنوبی افریقہ کے خلاف کھیلا تھا۔
