پاکستان ایئر پورٹس اتھارٹی نےتربت ایئر پورٹ پر نائٹ لینڈنگ کی بہتر سہولیات کے لیے ایئر فیلڈ لائٹنگ کی تنصیب کا فیصلہ کر لیا۔
ذرائع پی اے اے کے مطابق تربت ایئر پورٹ پر جدید سسٹم کی تنصیب کا فیصلہ رات کے اوقات میں جہازوں کی لینڈنگ میں مشکلات کو مدنظر رکھ کر کیا گیا ہے۔
خطیر رقم سے مخصوص لائٹس کی تنصیب ایئر پورٹ کے رن وے اور ملحقہ جگہوں پر کی جائے گی، لائٹوں کی تنصیب کے لیے پاکستان ایئر پورٹس اتھارٹی نے خواہشمند کمپنیز سے پیشکشیں طلب کرلیں۔
لائٹس نصب ہونے کے بعد رات کے اوقات میں پرواز کے کپتانوں کو ٹیک آف اور لینڈنگ کے دوران بہتر حدنگاہ میسر آئے گی۔
