نیوزی لینڈ کے چیڈ بوس نے تیز ترین ڈبل سنچری کا ورلڈ ریکارڈ قائم کردیا۔
نیوزی لینڈ کے بیٹر نے لسٹ اے کی تیز ترین ڈبل سنچری کا ریکارڈ اپنے نام کیا، چیڈ باس نے نیوزی لینڈ ڈومیسٹک کرکٹ کی ون ڈے ٹرافی میں کنٹر بری کی جانب سے کھیلتے ہوئے 103 گیندوں پر ڈبل سنچری بنا ڈالی۔
انہوں نے ٹریوس ہیڈ اور نرائن جگادیسن کا 114 گیندوں پر ڈبل سنچری کا ریکارڈ توڑ دیا، یہ میچ کنٹری بری اور اوٹاگو وولٹس کے درمیان ہیگلے اوول میں کھیلا گیا۔
راولپنڈی ٹیسٹ؛ انگلینڈ نے پلئینگ الیون کا اعلان کر دیا
فورڈ ٹرافی کے میچ میں کنٹری بری نے پہلے بیٹنگ کی اور 50 اوورز میں 9 وکٹوں پر 343 رنز بنائے، اس میں چیڈ باس کے شاندار 205 رنز شامل تھے، انہوں نے 27 چوکے اور 7 چھکے لگائے۔
ہدف کے تعاقب میں اوٹاگو کی ٹیم 103 رنز پر ہی ہمت ہار گئی، یاد رہے کہ چیڈ بوس نیوزی لینڈ کی جانب سے 6 ون ڈے اور 11 ٹی ٹوئنٹی میچز جبکہ لسٹ اے میں 99 میچز کھیل چکے ہیں۔
