ری پبلکن صدارتی امیدوار ڈونلڈ ٹرمپ ایک بار پھر امریکا کے صدر منتخب ہو گئے ، ڈیموکریٹ امیدوار کاملا ہیرس کو شکست دیکر وہ امریکا کے 47 ویں صدر منتخب ہوئے ہیں۔
امریکی صدارتی انتخاب میں ریپبلکن امیدوار ڈونلڈ ٹرمپ نے 277 اور ڈیموکریٹ امیدوار کاملا ہیرس نے 226 الیکٹورل ووٹ حاصل کر لیے۔ کسی بھی امیدوار کو جیت کے لیے کل 538 میں سے کم از کم 270 الیکٹورل ووٹ درکار ہوتے ہیں۔
امریکی صدارتی انتخاب: ٹرمپ نے فلوریڈا میں ووٹ کاسٹ کردیا
سوئنگ ریاستوں پنسلیوینیا ، جارجیا ، مشی گن ، ایری زونا ، وسکونسن اور نیواڈا میں بھی ڈونلڈ ٹرمپ نے برتری حاصل کی جبکہ کاملا ہیرس نے صرف مشی گن میں کامیابی ملی۔
ڈونلڈ ٹرمپ 20 جنوری 2025 کو حلف اٹھائیں گے ، ٹرمپ کو مطلوبہ الیکٹورل ووٹ ملتے ہی حامیوں نے جشن منانا شروع کر دیا۔ ٹرمپ کے حامیوں نے وائٹ ہائوس کے سامنے نعرے لگائے۔
امریکی عوام نے ٹرمپ کو تبدیلی کیلئے مینڈیٹ دیا، ایلون مسک
انڈیانا، کینٹکی، ویسٹ ورجینیا اور ساؤتھ کیرولائنا سے ٹرمپ جبکہ ورمونٹ، میساچیوسیٹس، میری لینڈ اور ڈسٹرکٹ آف کولمبیا میں کاملا ہیرس کامیاب رہیں۔ 50 میں سے 27 ریاستوں میں ڈونلڈ ٹرمپ جبکہ 19 میں کاملا ہیرس کو کامیابی ملی۔
7 سوئنگ ریاستوں کے 93 الیکٹورل ووٹس نے ٹرمپ کی جیت میں فیصلہ کن کردار ادا کیا۔ اب تک کے نتائج کے مطابق ایوان نمائندگان میں ری پبلکن 188 اور ڈیموکریٹس 160 نشستوں پر کامیاب ہو چکے ہیں۔
امریکہ کو مضبوط بنانے تک چین سے نہیں بیٹھیں گے، ڈونلڈ ٹرمپ
میڈیا کی رپورٹس کے مطابق امریکا کی 50 میں سے 43 ریاستوں میں دونوں پارٹیوں کی پوزیشن پہلے ہی واضح تھی۔
سینیٹ میں بھی ری پبلکن پارٹی نے اکثریت حاصل کر لی ،سینیٹ میں ری پبلکن کی 51 اور ڈیموکریٹس کی 43 نشستیں ہو گئی ہیں۔ 100 رکنی سینیٹ میں اکثریت کے لیے 51 نشستیں درکار ہوتی ہیں۔
