کراچی:
ڈیفنس میں زہر خوانی کے پراسرار واقعہ میں خاتون جاں بحق ہوگئی۔
تفصیلات کے مطابق درخشاں کے علاقے ڈیفنس فیز 6 مسلم کمرشل لین نمبر 8 کے قریب فلیٹ میں زہر خوانی کے پراسرار واقعہ میں خاتون جاں بحق ہوگئی جس کی اطلاع پر پولیس نے موقع پر پہنچ کر شواہد حاصل کرنے کے بعد لاش چھیپا کے رضا کاروں کی مدد سے ضابطے کی کارروائی کے لیے جناح اسپتال منتقل کر دی۔
ریسکیو حکام کا کہنا ہے کہ خاتون کی شناخت 42 سالہ ثنا کے نام سے کی گئی ہے جبکہ ابتدائی طور پر واقعہ زہریلی چیز کھانے سے پیش آنے کا بتایا جا رہا ہے۔
زہر خوانی کے پراسرار واقعہ کے حوالے سے درخشاں پولیس مزید معلومات حاصل کر رہی ہے۔
