آسٹریلوی کرکٹ ٹیم کے آلراؤنڈر گلین میکسویل کا کہنا ہے کہ پاکستانی ٹیم مختلف اوقات میں بہت خطرناک ثابت ہو سکتی ہے۔
کرکٹ آسٹریلیا کے سمر کرکٹ فیسٹیول کے موقع پر پاکستان کے خلاف سیریز اور کھلاڑیوں کے حوالے سے گفتگو کرتے ہوئے آسٹریلوی آلراؤنڈر گلین میکسویل کا کہنا تھا کہ پاکستان کے خلاف کھیلتے ہوئے آپ یہ نہیں جانتے کہ آپ نے ان سے توقع کیا کرنی ہے۔
آسٹریلوی آلراؤنڈر کا کہنا تھا کہ جب آپ پاکستان جیسی ٹیم کے خلاف کھیلتے ہیں تو ان کا غیر متوقع ہونا انہیں مشکل ٹیم بنا دیتا ہے، ماضی میں ہمیں پاکستان کے خلاف چیلنجر کا سامنا رہا ہے اور پاکستانی ٹیم مختلف اوقات میں بہت خطرناک ثابت ہو سکتی ہے۔
گلین میکسویل نے کہا کہ ہمیں بابر اعظم کے اوپر نظر رکھنا ہو گی وہ ایک سپر اسٹار کھلاڑی ہیں جبکہ شاہین آفریدی نئے بال کے ساتھ جادوگر فاسٹ باؤلر ہیں ، پاکستان کے پاس ورلڈ کلاس پلئیرز ہیں ہم آئندہ سیریز میں چیلنج کے منتظر ہیں۔
انہوں نے مزید کہا کہ ہم سیریز کی تیاری کر رہے ہیں، ہمیں برتری برقرار رکھنے کے لئے بہترین کھیل پیش کرنا ہو گا اور ہم اس سیریز کو آسان نہیں لے رہے۔
