گاڑیوں کے شوقین افراد کیلئے خوشخبری، شاندار آفر کا اعلان

ٹیوٹا پاکستان نے نئے سال کی آمدکے موقع پر صارفین کو خوشخبری سناتے ہوئے محد ود مدت کیلئے ’ٹیوٹا کراس‘ کی قیمت میں 4 لاکھ روپے کمی کا اعلان کر دیاہے۔

ٹیوٹا نےمحدود مدت کیلئے اپنی دلکش آفر کا نوٹیفکیشن بھی جاری کر دیاہے جس کا اطلاق 16 نومبر 2024 سے شروع ہو چکاہے ، یہ آفرگاڑیوں کی محدودتعداد تک ہی لاگو ہو گی، جن کی بکنگ مکمل ہونے کے بعد مزید آفر نہیں دی جائے گی۔

کرولا کراس HV ہائی:

اس کی قیمت میں چار لاکھ روپے کمی کی گئی ہے جس کے بعد نئی قیمت 94,49,000 روپے ہے جبکہ اس کی پرانی قیمت 98,49,000 روپےتھی۔

کرولا کراس HV مڈ:

اس ویرینٹ کی قیمت میں بھی 4 لاکھ روپے کمی کرتے ہوئے قیمت 89 لاکھ 99 ہزار روپے مقرر کر دی گئی ہے جبکہ اس سے قبل یہ گاڑی 93 لاکھ 99 ہزار روپے میں دستیاب تھی۔

ٹیوٹا کراس پیٹرول ہائی ویرینٹ:

کمپنی نے پیٹرول ہائی ویرینٹ کی قیمت بھی 4 لاکھ کم کر نے کے بعد 84 لاکھ 99 ہزار روپے کر دی ہے جبکہ ا سے قبل یہ گاڑی 88 لاکھ 99 ہزار روپے میں دستیاب تھی۔

پیٹرول لو ویرینٹ:

پیٹرول ویرینٹ کی قیمت میں ساڑھے تین لاکھے روپے کمی کی گئی ہے جس کے بعد نئی قیمت 78,49,000 روپے ہو گئی ہے جبکہ پرانی قیمت 81,99,000 روپے تھی۔

شرائط و ضوابط:

کمپنی کے مطابق یہ پروموشنل قیمتیں محدود وقت اور محدود اسٹاک کے لیے ہیں اور صرف ان بکنگز پر لاگو ہوں گی جو 16 نومبر 2024 سے مکمل ادائیگی کے ساتھ کی جائیں گی۔

کرولا کراس، انڈس موٹر کمپنی کی پاکستان میں پہلی ہائبرڈ کراس اوور SUV ہے اور کمپنی نے ملک میں ہائبرڈ ٹیکنالوجی متعارف کروانے میں اہم کردار ادا کیا ہے۔ یہ گاڑی صارفین میں کافی مقبول ہے اور اسے لانچ کے بعد سے مثبت ردعمل ملا ہے۔ پاکستان میں ہائبرڈ کاروں کی مقبولیت میں تیزی سے اضافہ ہو رہا ہے، جس میں ہیول، ٹویوٹا، اور ہنڈائی جیسی کمپنیاں شامل ہیں۔

مقامی صارفین میں ایندھن کی بچت اولین ترجیح ہونے کے باعث ہائبرڈ گاڑیاں مستقبل میں مزید مقبول ہونے کی توقع ہے۔ امید ہے کہ مزید کمپنیاں ہائبرڈ اور الیکٹرک-ہائبرڈ گاڑیوں کے شعبے میں قدم رکھیں گی، جس سے صارفین کو مزید بہتر اور کم خرچ آپشنز میسر آئیں گے۔