حکومت نے طلباء و طالبات کے لیے بڑی خوشخبری سنا دی

شہر قائد کو دو مزید یونیورسٹیاں ملنے کو تیار ہے، چودہ دسمبر کو نیشنل ٹیکسٹائل یونیورسٹی کیمپس کا کراچی میں افتتاح ہوگا۔

وفاقی وزیر تعلیم ڈاکٹر خالد مقبول کی کوششوں سے دسمبر میں دو مزید یونیورسٹیاں کراچی کو ملیں گی، چودہ دسمبر کو نیشنل ٹیکسٹائل یونیورسٹی کیمپس کا کراچی میں افتتاح ہوگا۔

وفاقی وزیر تعلیم ڈاکٹر خالد مقبول کا کہنا ہے کہ دسمبر میں ہی نیشنل اسکلز یونیورسٹی کا کیمپس بھی کراچی کو دینے جارہے ہیں۔

وفاقی وزیر تعلیم نے میرپور خاص کی عوام کے لیے بھی بڑا اعلان کرتے ہوئے کہا اگلے سال مارچ میں میرپورخاص میں وفاقی یونیورسٹی کیمپس کا قیام عمل میں لایا جائے گا۔

خالد مقبول کا کہنا تھا کہ کیمپس سے میرپورخاص سمیت سانگھڑ، عمر کوٹ اور تھرپارکر اضلاع کے طالبعلم بھی کیمپس میں تعلیم حاصل کرسکیں گے۔

انھوں نے کہا کہ ایم کیو ایم پاکستان ملک بھر میں جامعات قائم کرکے علم و آگہی کی روشنی پھیلائے گی، یونیورسٹی کیمپس کے لیے جگہیں دیکھ رکھی ہیں لیکن زمین حاصل کرنے میں مشکلات اور رکاوٹیں ہیں۔

وفاقی وزیر کا مزید کہنا تھا کہ ایسی جگہیں بھی ہیں جو دس دس سال سے بند پڑی ہیں لیکن انکو حاصل کرنا مشکل بنایا جارہا ہے ، سندھ کو بیس یونیورسٹیاں وفاق سے دینے کا وعدہ پورا کروں گا۔