[ad_1]
معروف پاکستانی ٹک ٹاکر اور اداکارہ جنت مرزا نے خود سے متعلق حیران کن انکشاف کیا۔
جنت مرزا نے یوٹیوب پر ایک پوڈ کاسٹ میں شرکت کے دوران خود سے جڑے بہت سارے معاملات پر گفتگو کی اور بتایا کہ اُن کا ننھیال جاپان میں رہتا ہے اس لیے اُن کا آنا جانا ہے۔
ٹک ٹاکر نے بتایا کہ وہ 6 ماہ پاکستان اور چھ ماہ جاپان میں رہتی ہیں تاہم اس بار وہ اگلے ماہ یعنی جنوری میں لمبے عرصے کیلیے جاپان جائیں گی کیونکہ وہاں کاروبار شروع کرنے جارہی ہیں۔
جنت مرزا نے انکشاف کیا کہ وہ ایک دور میں ایک ایسی چیز سے خوفزدہ تھیں جس کے بارے میں سوچ پر بھی اُن کے پسینے چھوٹ جاتے تھے۔
ٹک ٹاکر نے بتایا کہ کراچی میں طیارہ حادثے کے بعد مجھے جہاز میں سفر کرنے سے بہت خوف آتا تھا اور جہاز میں بیٹھ کر ایسا لگتا تھا کہ یہ آخری سفر ہے اور سب کچھ ختم ہوجائے گا۔
انہوں نے بتایا کہ ایک بار اہل خانہ جہاز میں اسکردو جارہے تھے تو اُس وقت اُن کی حالت خراب ہوگئی تھی اور وہ مسلسل کانپ رہی تھیں جبکہ پسینہ چھوٹ رہا تھا۔
جنت کے مطابق مجھے میری بہن سمجھانے کی کوشش کررہی تھی مگر میں جہاز میں سفر سے پہلے اور درمیان میں روتی رہی کہ مجھے گاڑی میں بائی روڈ چلتے ہیں۔
انہوں نے بتایا کہ یہ ایک ایسا دور تھا کہ میں جہاز میں سفر نہیں کرپاتی تھی تاہم وقت کے ساتھ ساتھ یہ خوف ختم ہوگیا۔
[ad_2]
