اسلام آباد (ڈیلی پاکستان آن لائن) سابق مشیر احتساب شہزاد اکبر کو واپس پاکستان لانے کےلیے وفاقی حکومت نے برطانیہ سے کیس ٹو کیس معاملہ اٹھانے کا فیصلہ کرلیا۔ وفاقی حکومت نے برطانیہ میں مقیم عادل راجہ کے خلاف تفصیلات بھی برطانیہ بھجوا دیں۔
سما ٹی وی کے مطابق ذرائع کا کہنا ہے شہزاد اکبر سے متعلق تمام مقدمات اور عدالتی کارروائیوں کی تفصیلات برطانیہ کو فراہم کردی گئیں۔ دستاویزات وزیر داخلہ محسن نقوی نے برطانوی ہائی کمشنر کو دیں۔دستاویزات میں شہزاد اکبر کیخلاف اسلام آباد میں 3 مقدمات کا ذکر ہے۔ شہزاد اکبر کیخلاف تھانہ سیکرٹیریٹ میں 2،تھانہ کوہسار میں ایک مقدمہ درج ہے۔شہزاد اکبر کی نیب عدالت سے سزا کی تفصیلات بھی دستاویز کا حصہ ہے۔ این سی سی آئی اے اور ایف آئی اے کے مقدمات کی تفصیلات بھی فراہم کی گئیں ہیں۔ مقامی عدالت سے شہزاد اکبر کو اشتہاری قرار دیئے کی تفصیلات بھی شامل ہیں۔
Content retrieved from: https://dailypakistan.com.pk/19-Dec-2025/1896597.