کراچی (اُردو پوائنٹ اخبارتازہ ترین – این این آئی۔ 18 دسمبر2025ء) معروف گلوکار و اداکار فرحان سعید نے اپنی اہلیہ عروہ حسین کے ساتھ شادی کے نو سال مکمل ہونے پر اپنے نئے البم ’خط‘ کے گانے ’منظر‘ کو ریلیز کیا، جس میں ان کی شادی کے خوبصورت لمحات کو خصوصی ویڈیو کی صورت میں پیش کیا گیا ہے۔منظر‘ فرحان سعید کے البم ’خط‘ کا ایک جذباتی اور ذاتی ٹریک ہے، جو البم کے عنوانی گانے ’خط‘ کی کامیابی کے بعد سامنے آیا ہے۔
(جاری ہے)
اس البم کے گانے ماہانہ بنیادوں پر ریلیز کیے جا رہے ہیں، جہاں ہر گانا اپنی انفرادی پہچان کے ساتھ ایک مکمل جذباتی کہانی کا حصہ بنتا ہے۔اس روح پرور گانے میں صابری سسٹرز کی خصوصی شمولیت بھی شامل ہے، جو اپنے مقبول او ایس ٹی میری زندگی ہے تو کے باعث خبروں میں رہ چکی ہیں۔ ’منظر‘ کی موسیقی محمد حسن عباس اور قاسم داہر نے ترتیب دی ہے، جبکہ اس کی پروڈکشن اُروہ حسین نے انجام دی۔ رحان سعید نے انسٹاگرام پر ایک جذباتی پیغام میں عروہ حسین کے نام یہ گانا منسوب کرتے ہوئے کہا کہ وہ اپنی زندگی کے سب سے خوبصورت دن کو دنیا کے ساتھ شیئر کر رہے ہیں، جس کے مرکز میں عروہ موجود ہیں۔
Content retrieved from: https://www.urdupoint.com/showbiz/news/4654495.html.