ارجنٹائن کے اسٹار فٹبالر لیونل میسی والد کی وفات کے بعد جذباتی کیفیت میں میدان میں واپس آئے تاہم ان کی واپسی مایوس کن ثابت ہوئی۔
تفصیلات کے مطابق میکسیکو کے کلب لیون نے دلچسپ مقابلے میں انٹر میامی کو 2-3 سے شکست دے کر لیگز کپ سے باہر کرکے کوارٹر فائنل میں جگہ بنا لی۔
انٹر میامی نے ابتدا میں ایک گول کی برتری حاصل کی لیکن لیون کے کولمبین کھلاڑی ڈینیئل ارسیلا کے دو گولز نے میچ کا رخ بدل دیا۔
#ULTIMAHORA
🚨 ELIMINA EL LEÓN AL INTER DE MIAMI CON TODO Y MESSI EN LA CANCHAGana el León de México 3-2 en Florida con todo y el apoyo del Padrino de Messi, Infantino y de los arbritos que intentaron anular el gol de la victoria del equipo Mexicano que pasa a cuartos de… pic.twitter.com/HEvOGmUDbh
— La Catrina Norteña (@catrina_nortena) August 13, 2026
39 سالہ میسی اپنے والد خورخے میسی کی آخری رسومات میں شرکت کے بعد منگل کی رات فلوریڈا واپس پہنچے تھے۔
وہ میچ کے دوسرے ہاف میں میدان میں اترے تو شائقین نے بھرپور تالیوں سے ان کا استقبال کیا۔
اس سے قبل میسی نے سوشل میڈیا پر والد کے لیے جذباتی پیغام جاری کرتے ہوئے فٹبال جاری رکھنے کے حوالے سے بھی شکوک کا اظہار کیا۔
یہ 2023 میں ٹورنامنٹ کی توسیع کے بعد پہلا موقع ہے جب انٹر میامی ابتدائی مرحلے ہی میں باہر ہوئی ہے۔
میسی کی قیادت میں انٹر میامی نے 2023 میں ٹائٹل جیتا تھا جبکہ 2025 میں وہ فائنل تک پہنچی مگر سیئٹل ساؤنڈرز سے 0-3 سے ہار گئی تھی۔
