سابق وفاقی وزیر اور موجودہ سینیٹر فیصل واوڈا کا کہنا ہے کہ بانی چیئرمین پی ٹی آئی عمران خان کے لیے جیل فائدہ مند ہے۔
سینیٹر فیصل واوڈا نے نجی ٹی وی کے پروگرام میں گفتگو کرتے ہوئے کہا کہ پی ٹی آئی بانی جیل سے باہر آئے تو ان کی کہانی ختم ہو جائے گی۔
انہوں نے کہا کہ عمران خان کا جیل میں رہنا ان کے فائدے میں ہے، جیل توڑنے کی باتیں کرنے والے ان کی زندگی کی ضمانت کیسے دیں گے۔
ایک سوال کے جواب میں فیصل واوڈا نے کہا کہ مراد سعید وہ طوطا ہے جس میں دو بندوں کی جان ہے۔ مراد سعید کیوں چھپے ہوئے ہیں؟ وہ سامنے کیوں نہیں آتا؟
انہوں نے کہا کہ سابق ڈی جی آئی ایس آئی لیفٹیننٹ جنرل ریٹائرڈ فیض حمید سارا ملبہ پی ٹی آئی کے بانی پر ڈالیں گے۔ ایکشن لینا چاہیے۔
فیصل واوڈا نے کہا کہ گنڈا پور نے پہلے کہا تھا کہ کسی کا باپ پی ٹی آئی کے بانی کو گرفتار نہیں کر سکتا، اب کہہ رہا ہے کہ کسی کا باپ بھی فوجی ٹرائل نہیں کر سکتا۔
