انتظامیہ نے طلبا کو ہاسٹل خالی کرنے کی ہدایت کردی—فائل: فوٹو
اسلام آباد: قائداعظم انٹرنیشنل یونیورسٹی میں طلبا کے دو گرپوں میں تصادم کے نتیجے میں متعدد طلبہ زخمی ہوگئے اور انتظامیہ نے بوائز ہاسٹل خالی کرنے کی ہدایت کردی۔
ایکسپریس نیوز کے مطابق قائداعظم یونیورسٹی اسلام آباد میں دو گروپوں میں تصادم کے نتیجے میں متعدد طلبا زخمی ہوئے اور یہ تصادم یونیورسٹی کے ہاسٹل میں ہوا۔
طلبا کے گروپس کے درمیان تصادم کے دوران ایک ہاسٹل میں طلبا تنظیم کی جانب سے آگ بھی لگائی گئی ہے۔
دوسری جانب یونیورسٹی انتظامیہ نے بوائز ہاسٹلز خالی کروانے کا فیصلہ کرلیا ہے تاہم انتظامیہ کا مؤقف ہے کہ ہاسٹلز شنگھائی تعاون تنظیم (ایس سی او) سربراہی کانفرنس کے باعث بوائز ہاسٹلز خالی کروائے جارہے۔
یونیورسٹی کی انتظامیہ نے تمام طلبا کو کل سے ہاسٹلز چھوڑنے کی ہدایت کردی اور20 اکتوبر تک جامعہ کے بوائز ہاسٹلز بند رہیں گے۔
