ماناگوا: وسطی امریکہ کے ملک نکارا گوا نے اسرائیل کو فاشسٹ ریاست قرار دے دیا۔ نکارا گوا نے اسرائیل سے سفارتی تعلقات ختم کرنے کا بھی اعلان کر دیا۔
غیر ملکی خبر رساں ایجنسی کے مطابق نکاراگوا کی حکومت نے اسرائیل کی فاشسٹ حکومت قرار دے دیا۔ نکارا گوا حکومت کی جانب سے کہا گیا کہ اسرائیلی حکومت فلسطین میں نسل کشی کر رہی ہے۔
انہوں نے کہا کہ فلسطینی علاقوں پر اسرائیل کے حملوں کے باعث اسرائیل سے سفارتی تعلقات منقطع کرنے کا اعلان کرتے ہیں۔
نکارا گوا کی حکومت نے فلسطین اور لبنان پر اسرائیلی حملوں کی بھی شدید مذمت کی۔
اس سے قبل نکاراگوا کی کانگریس غزہ میں ایک سال سے جاری اسرائیلی جارحیت کے خلاف ایکشن لینے کی قرار داد بھی منظور کر چکی ہے۔
یہ بھی پڑھیں: بطور صدر کبھی ایران کو جوہری ہتھیار حاصل نہیں کرنے دوں گی، کمالا ہیرس
قرارداد میں کہا گیا تھا کہ اسرائیل کے جارحانہ اقدامات لبنان تک پہنچ چکے ہیں۔ اس کے علاوہ شام، یمن اور ایران کے لیے بھی خطرات بڑھ گئے ہیں۔
اس سے قبل کولمبیا اور ترکیہ بھی اسرائیل سے سفارتی تعلقات ختم کر چکے ہیں۔
