“انگریزی، اردو، پشتو اچھی بولتا ہے تو اسکو کپتان بنا دو”

لیجنڈری کرکٹر و سابق کپتان یونس خان نے ملتان ٹیسٹ میں انگلینڈ کے ہاتھوں بدترین شکست پر بالواسطہ کپتان شان مسعود پر طنز کردیا۔

سابق کرکٹر یونس خان نے پاکستان میں ایک تقریب سے خطاب کرتے ہوئے ٹیسٹ ٹیم کے کپتان شان مسعود کو آڑے ہاتھوں لیا اور پاکستان کرکٹ بورڈ (پی سی بی) سے سخت فیصلے لینے کا مطالبہ کیا۔

یونس خان نے شان مسعود پر بالواسطہ طنز کرتے ہوئے کہا کہ کسی فرد میں ٹیم کی قیادت کرنے کی کوئی خوبیاں نہیں، اہم عہدوں پر بیٹھے لوگوں کو لگتا ہے کہ یہ ہماری سنتا ہے، اچھا پڑھا لکھا ہے، انگریزی، اردو، پشتو اچھی بولتا ہے تو اسکو کپتان بنا دو، بھلے وہ اچھا کھلاڑی ہو یا نہ ہو۔

مزید پڑھیں: ٹیسٹ سیریز؛ بابراعظم کو آرام کروایا جائے گا؟ فیصلہ ہوگیا

دوسری جانب قومی ٹیم کے ریڈ بال فارمیٹ کے کپتان شان مسعود ابتدائی 6 ٹیسٹ ہارنے والے پہلے پاکستانی کپتان بن چکے ہیں، انکی قیادت مں گرین شرٹس کو آسٹریلیا نے تین، کمزور حریف بنگلادیش نے ہوم گراؤنڈ پر 3 اور اب انگلینڈ نے ابتدائی ٹیسٹ میں شکست دیکر ناکام ترین کپتان بنوایا۔

مزید پڑھیں: ٹیسٹ میچز؛ پاکستانی بالرز رنز کے انبار لٹانے میں سب سے آگے

خیال رہے کہ انگلینڈ نے پاکستان کو ملتان ٹیسٹ میں ایک اننگز اور 47 رنز سے شکست دی تھی، اس میچ میں ہار کیساتھ پاکستان پہلی اننگز میں 500 سے زائد رنز بنانے کے باوجود ٹیسٹ میچ اننگز سے ہارنے والی پہلی ٹیم بن گئی تھی۔

مزید پڑھیں: شان مسعود ابتدائی 6 ٹیسٹ میچز ہارنے والے پہلے پاکستانی کپتان بن گئے

واضح رہے کہ شان مسعود کی کپتانی میں پاکستان ایک بھی ٹیسٹ میچ نہیں جیت سکا۔