محکمہ تحفظ ماحول پنجاب نے فضائی آلودگی میں اضافے کے پیش نظر ائیر کوالٹی انڈیکس بڑھنے کے باعث اسکول ٹائمنگ میں تبدیلی کے لئے نوٹیفکیشن جاری کر دیا۔
محکمہ ماحولیات کی جانب سے صبح 8 بج کر 45 منٹ سے پہلے اسکول شروع نہ کرنے کی ہدایت جاری کی گئی ہے، نوٹیفکیشن کے مطابق نئے اوقات کار 28 اکتوبر سے 31 جنوری 2025 تک رکھے جائیں، بچوں کواسمبلی کلاس رومزمیں کروائی جائے۔
خیبرپختونخوا میں ایجوکیشن ایمرجنسی کا اعلان
نوٹیفکیشن کے مطابق 31 جنوری 2025 تک لاہور میں ہرقسم کی آتش بازی پرسخت پابندی ہو گی، ہر قسم کی آؤٹ ڈور سرگرمیوں کو معطل کرنے کی بھی ہدایت کی گئی ہے۔
نوٹیفکیشن عوام کو اسموگ سے بچنے کے لیے ماسک پہننے اور دیگر حفاظتی تدابیر اختیار کرنے کا کہا گیا ہے،عوام سے کہا گیا ہے کہ وہ گھروں کی کھڑکیاں، دروازے بند رکھیں اور زیادہ دیر کھلی جگہوں پر نہ رہیں۔
