اسلام آباد ہائی کورٹ نے بانی پاکستان تحریک انصاف ( پی ٹی آئی) سے بہن نورین نیازی کی ملاقات کروانے کا حکم دے دیا۔
چیف جسٹس اسلام آباد ہائی کورٹ عامر فاروق نے عمران خان سے بہن کی ملاقات کروانے کی درخواست پر سماعت کی۔ عدالت نے 26 اکتوبر کو نورین نیازی کی عمران خان سے ملاقات کروانے کا حکم دیا۔ چیف جسٹس نے کہا کہ 25 اکتوبر تک پابندی ہے 26 اکتوبر کو نورین نیازی کی ملاقات عمران خان سے کروائی جائے۔
عدالت نے کیس کی سماعت 28 اکتوبر تک ملتوی کر دی۔ عمران خان کی بہن نورین نیازی نے بھائی سے ملاقات پر پابندی کے خلاف اسلام آباد ہائی کورٹ میں درخواست دائر کی تھی۔
