راولپنڈی ٹیسٹ میچ میں محمد رضوان نے ٹیسٹ کرکٹ میں 2 ہزار رنز مکمل کرلیے۔
انگلینڈ کے خلاف آخری ٹیسٹ میچ کی پہلی اننگز میں وکٹ کیپر بیٹر محمد رضوان نے پچیس رنز بنائے، انہوں نے ایک چھکا اور ایک چوکا بھی لگایا۔
پاکستان کی نمائندگی کرتے ہوئے محمدرضوان نے ٹیسٹ کرکٹ میں 2 ہزار رنز مکمل کرلیے ہیں، انہوں نے یہ کارنامہ 57 اننگز کھیل کر سرانجام دیا۔
ریکارڈ پر فوکس نہیں ہے میچ جیتنا ضروری ہے، ساجد خان
ان سے قبل پاکستان کے لئے ٹیسٹ کرکٹ میں بطور وکٹ کیپر 2 ہزار رنز بنانے والوں میں سرفراز احمد 3 ہزار 31 رنز کے ساتھ سرفہرست ہیں۔ کامران اکمل نے 2 ہزار 648، معین خان نے 2 ہزار 581 اور امتیاز احمد نے 2 ہزار 10 رنز بنا رکھے ہیں۔
