خیبر پختونخوا کے ضلع اپر کوہستان میں شتیال کے مقام پر مسافر بس کھائی میں جاگری جس کے نتیجے میں 4 افراد جاں بحق اور متعدد زخمی ہوگئے جب کہ اموات میں اضافے کا خدشہ ہے۔
ذرائع کے مطابق امدادی کاموں میں مصروف ریسکیو ادارے کے ترجمان نے بتایا کہ حادثہ شتیال کے مقام پر تیز رفتاری کے باعث پیش آیا جہاں سکردو سے راولپنڈی جانے والی نجی کمپنی کی مسافر بس درائیور سے بے قابو ہوکر کھائی میں جاگری۔
رپورٹ کے مطابق حادثے کی اطلاع ملتے ہی ضلعی انتظامیہ کے افسران، ریسکیو1122 کی ایمبولینسز اور مقامی رضاکار موقع،پر پہنچ گئے اور امدادی سرگرمیوں کا آغاز کردیا، مقامی لوگوں اور ریسکیو ٹیموں نے لاشوں اور زخمیوں کو کھائی سے نکال کر شتیال ہسپتال منتقل کیا۔
سینئر پسرنٹنڈنٹ پولیس (ایس ایس پی) شیر خان نے بتایا کہ حادثے کے نتیجے میں زخمی ہونے والوں کو شتیال ہسپتال منتقل کردیا گیا۔
