سندھ حکومت نے جعلی نمبر پلیٹ ، کالے شیشوں والی گاڑیوں اور اسلحے کی نمائش کرنیوالوں کیخلاف کارروائی کا فیصلہ کیا ہے۔
چیف سیکریٹری سندھ آصف حیدر شاہ کی زیر صدارت امن و امان سے متعلق اجلاس ہوا جس میں سیکرٹری داخلہ، آئی جی سندھ ، ایڈیشنل آئی جی اور رینجرز کے نمائندوں نے شرکت کی۔
سندھ حکومت کا اسسٹنٹ کمشنرز کیلئے 138 لگژری گاڑیاں خریدنے کا فیصلہ
چیف سیکرٹری نے ہدایت کی کہ جعلی نمبر پلیٹوں اور کالے شیشوں کے خلاف کارروائی کی جائے، اس حوالے سے میڈیا میں آگاہی مہم بھی چلائی جائے۔
اجلاس میں کمیونٹی سرویلنس بڑھانے کیلئے محلے کی سطح پر واچ گروپ تشکیل دینے کا بھی فیصلہ کیا گیا ، امن و امان کی بہتری کے لیے اسسٹنٹ کمشنرز کی نگرانی میں کمیونٹی واچ گروپ بنائے جائیں گے۔
