حکومت پنجاب نے خصوصی افراد کو اورنج ، میٹرو بس اور ٹرین میں سفر کی مفت سہولت فراہم کرنے کا اعلان کیا ہے۔
میٹرو بس اتھارٹی انتظامیہ کے مطابق ہمت کارڈ رکھنے والے خصوصی افراد میٹرو بس سروس،میٹرو ٹرین اور اورنج لائن سے مفت مستفید ہوسکیں گے۔ ہمت کارڈ دکھا کر میٹرو بس ٹکٹ کاؤنٹر سے ٹکٹ بلامعاوضہ حاصل کیا جا سکے گا۔
خصوصی افراد کے لیے یہ سفری سہولت ہفتہ کے ساتوں روز موجود ہوگی۔ انتظامیہ کا کہنا ہے کہ ہمت کارڈ رکھنے اور دکھانے والوں کو مکمل فری سفری سہولیات فراہم کررہے ہیں۔
