ہواوے نے جدید ترین سمارٹ فون متعارف کر دیا

چینی ٹیک جائنٹ کمپنی ہواوے نے 3 فولڈ والا اسمارٹ فون انٹرنیشنل مارکیٹ میں لانچ کردیا، جس کی قیمت 3 ہزار 499 یورو یعنی 3 ہزار 660 ڈالر (10 لاکھ 22 ہزار پاکستانی روپے سے زائد) رکھی گئی ہے۔

چینی کمپنی ہواوے نے تاریخ کا مہنگا ترین موبائل فون لانچ کیا ہے، 3 فولڈ موبائل ہواوے میٹ ایکس ٹی ملائیشیا کے دارالحکومت کوالالمپور میں ہونے والی ایک تقریب میں لانچ کیا گیا۔

انٹرنیشنل ڈیٹا کارپوریشن کے نائب صدر برائن ما نے کہا ہے کہ ہواوے اس وقت انفرادیت میں اکیلی نظر آرہی ہے، باوجود اس کے کہ اسے امریکی کمپنی کے گوگل چپس تک رسائی بھی نہیں مل رہی، یہاں اس کیلئے راستہ بند ہوگیا تھا تاہم اس اعتبار سے یہ ہواوے کی بڑی کامیابی ضرور ہے۔

میٹ ایکس ٹی کی لانچ پر کمپنی نے بتایا ہے کہ چینی مارکیٹ میں یہ موبائل 5 مہینے پہلے آچکا ہے، اس فون کی 10.2 انچ کی 33.6 ملی میٹر پتلی اسکرین ہے، جس میں 3 چھوٹے پینلز شامل ہیں جنہیں باآسانی فولڈ کیا جاسکتا ہے۔